SOMCABLE

Ceerigaabo: Hay’adda Shaqaalaha Oo Imtixaan Ka Qaadday Dhallinyaro U Tartamay 50 Kaalmo Shaqooyin Ah Oo Ka Bannaan Wasaaradaha Dawladda

Ceerigaabo, 29 Noofambar, 2018 (Himilo) – Hay’adda shaqaalaha Dawladda Somaliland, ayaa Imtixaankii loo gelaayey 50 kaalmo shaqo ee dawladdu ka qaadanaysay gobolka Sanaag  ka qaaday Wiilal iyo Gabdho Aqoonyahanka iyo Jaamiciyiinta ku dhaqan Gobolka Sanaag.

Guddoomiyaha Hay’adda Shaqaalaha Dawladda ee Somaliland, Sharmarke Axmed Muxumed Geelle iyo Wefti uu hogaaminayo kana mid ahaayeen  Guddida Hay’adda shaqaalaha oo maalmihii u dambeeyey magaaladda Ceerigaabo ku sugnaa, ayaa Shalay Xarunta Jaamacadda Ceerigaabo, waxay Imtixaan kaga qaadeen Dhalinyarta Wiilasha iyo Gabdhaha ku  dhaqan gobolkaasi Sanaag kuwaasi oo Tartan u geli doono 50 Kaalmo shaqooyin oo dawladdu qaadanayso, waxaana Imtixaanka  shaqooyinka dawladda loo gelayo  iyada oo Md. Sharmarke Geelle uu faahfaahin ka bixiyey nidaam ay Imtixaanka dadka shaqo doonka ee Gobolka Sanaag ka qaadeen u soo diyaariyeen waxa uu farta ku fiiqay inay Macalimiin iyo Rag khuburo ahi diyaariyeen Imtixaanka loona qaadayo hab casri ah oo xata Macalinku aanu aqoonsan Karin magaca qofka shaqo doonka ee Imtixaankiisa uu sixi doono isla-markaana la dhaariyey Macalimiinta Imtixaankaasi ku kala saari doona dadka 50 kaalmo shaqo gobolka Sanaag tartanka ugu geli doona.

Md Sharmarke Axmed Muxumed Geelle  oo sharraxaya Shaqooyinka imtixaanka loo gelayo ayaa yidhi “Ugu horeyn Illaahay waxaan idiinka rajaynayaa guul iyo intii Illaahay u calfo ee ku guulaysata Imtixaankani shaqooyinkaasi loo geli doono uu ALLE u barakeeyo, Imtixaankan aynu sameynayno Isla saaka (Shalay) ayaa la sameeyey oo imika ayaa la daabacay isla Imikana waad geli doontaan, waxaanan dedejin doona marka natiijadiisu soo baxdo maaha Imtixaan aynu siday waxaanan dedejin doona inay natiijadiisu hore u soo baxdo, maaha Imtixaan aynu sidanay oo meel kala nimid ama Imtixaan hore u sii jiray saacaduna hadda waa 12:00 Maalinimo waxaynu xiliga Imtixaanka u qaadayno Imtixaanka oo aan ahayn mid hore u sii diyaarsanaa, marka 2aad Warqadaha aad ku geli doontaan halka sare ee  aad magacyada ku geli doontaan waa laga jarayaa hadhaw macalimiinta qof kasta Imtixaankiisa uu galay sixi doonta waxay sixi doonaan (Serial Number) iyada oo macalin kasta qofka uu saxaayo aanay u suurto geli doonin in uu magaciisa arko maaddaama oo laga gooyey warqad kasta magaca qofka lana sixi doono (Serial Numberka)”

Sharmarke Axmed Muxumed Geelle oo hadalkiisa sii wata waxa uu farta ku fiiqay inay Imtixaanka qaadayaan macalimiin iyo rag kale oo Khuburo ay dhaariyeen isla-markaana hab casri ah oo aanay suurto gal ahayn in macalimiintu aqoonsan karaan qofka shaqo doonka  ay Imtixaankiisa saxayaan waxa uu yidhi “Si aynu caddaalada u sugnaato anaga oo ku kalsoon macalimiinta aanu wadano iyo waayeelka nala socda, haddana mar kale waxaanu sii adkaynay in qalbigiinu caddaalada u soo dhawayno waxaanu sidana KITAAB aanu ku dhaarino dhammaan intiina Imitixaanka qaadaysa si intiinaasi aad caddaalad ku soo kala baxdaan iyada oo marka horeba oo aanu masaafo fog ka soo qaadnay si iyaga oo dadku iyaga oo Ceerigaabo jooga ay halkoodan shaqooyinka ugu guulaystaan, haddana waxaanu sii adkayn doona in qalbiyaddeena iyo Qarankeenu caddaalada u sii dhawaadaan”

Guddoomiye Sharmarke Geelle wax uu ugu dambeyntii ka hadlay fursadaha shaqo ee gobolka Sanaag yaala “Sido kale waxa idiin furan fursado kale oo shaqo abuuriseed oo ah barnaamijkii Shaqo qaran oo inteena shaqooyinkani Imtixaanka u gelaaya mooyaane, haddana mudo ka dib waxaynu qaadanayenaa Barnaamijka shaqo qaran, balse Imtixaankani aynu qaadayno waxa ku soo bixi doono 35-ka Wiil iyo 15-ka Gabdhood ee ugu sareeya Imtixaankan, ka dib barnaamijka ka dambeeya kan xigana waxa la qaadan doona 330 qof oo 99 Hablo yihiin inta kalena Wiilal yihiin iyo Kootadii loo gooyey dadka naafada ah, waa shaqaalaha gobolka Sanaag uun looga qaadan doono barnaamijka Shaqo qaran, waxaan rajaynayaa muddo yar gudaheed 330-ka iyo 50 fursad shaqo ee Imtixaanka loo gelaayo 380-ka wixii macalimiin iyo caafimaad ah, in tiro badan oo inaga inaga mid ahi ay shaqooyin gobolka Sanaag Inshaalaah ka hesho, calaf wanaagsan iyo nasiib fiican ayaan Inshaalaah shaqooyinka idiinka rajaynayaa.”

Guddoomiyuhu wuxuu sheegay oo kale “Intiina Imtixaankan galaysa 50-ka qof ee ugu sareeya ee soo bixi doonta waxaanu kala gayn doona wasaaradihii soo kala codsaday iyada oo ku kala salaysan saddexda Imtixaan ee aynu kala galayno.”

Dalka Holland oo ka mid ah Dalalka Qaaradda Yurub, ayaa ka mid ah Dalalka ay ku nool yihiin tiro badan oo Dadka reer Somaliland ah.

Himilomedia.com

Hargeysa-Somaliland

Leave a Reply